الصندوق اللي وراه الرف حصري

صغيرة ومفهمتش.. بس انتي ملكيش ذنب.. وانا سميتك على اسم ممثلة بحبها.. عشان تبقي جميلة وقوية زيها.. ولو في يوم جه دور عليكي.. اوعي تخافي منه.. روحي لتيتة.. تيتة هتحميكي.. تيتة اقوى ست في الدنيا
الفيديو خلص.. وانا وحفيدتي بنعيط.. حضنا بعض جامد
وبعدين افتكرت الجوابات.. فتحت الجواب المكتوب عليه.. لما تبقى عندها 5 سنين
كان جواه ورقة صغيرة.. مكتوب.. يا حبيبتي الصغيرة.. لو انتي عندك 5 سنين.. يبقى زمانك بتحبي التلوين.. وبتحبي الشوكولاتة.. زيي.. انا سيبالك في الصندوق.. سلسلة صغيرة.. فيها نجمة.. البسيها.. عشان تفضلي منورة.. ماما
وفعلا.. دورنا في الصندوق.. لقينا سلسلة دهب صغيرة.. فيها نجمة
الجواب التاني.. لما تبقى 10 سنين
يا حبيبتي اللي عندها 10 سنين.. زمانك دلوقتي بقيتي شاطرة في المدرسة.. وبتسألي كتير.. لو حد سألك باباكي فين.. قوليله.. بابا مسافر.. وبيحبني.. وتيتة بتحبني اكتر من اي حد.. ومتزعليش.. عشان الحب مش بعدد الناس.. الحب بعمقه.. وانا حبيتك حب يكفي الدنيا كلها
والجواب التالت.. لما تبقى 15 سنة.. اللي هو دلوقتي
فتحته حفيدتي بايدها اللي بتترعش.. وكان مكتوب..
يا حبيبتي اللي بقت 15 سنة.. يا اجمل بنت في الدنيا.. لو انتي بتقري ده.. يبقى انتي بقيتي انسة.. واكيد بقيتي شبهي.. واكيد عنيدة زيي.. عايزاكي تعرفي حاجة واحدة.. اوعي تخلي حكايتي تخوفك من الحب.. الحب حلو.. بس اختاري اللي يحترمك.. اللي ېخاف عليكي.. مش اللي ېخوفك.. ولو في يوم حسيتي انك لوحدك.. بصي فوق.. هتلاقيني نجمة.. وكل سنة في عيد ميلادك.. ۏلعي شمعة.. وقولي.. دي شمعة ماما.. عشان افضل منورة لك طريقك.. حتى وانا مش معاكي
ساعتها فهمت.. فهمت ليه حفيدتي كل سنة من وهي عندها 4 سنين.. كانت بتقول.. اوعي تنسي شمعة ماما يا
تيتة.. مكنتش بتقولها عشان بتحب الشمع.. كانت بتقولها عشان امها موصياها في الفيديو.. في الجواب.. تفضل فاكرة.. ان امها منورة طريقها
حفيدتي قامت جري.. جابت الشمعة اللي بنولعها كل سنة.. اللي عليها اسم امها.. وولعتها.. وحطتها جنب الصندوق.. وقالت.. ماما.. انا لقيت الصندوق.. ولقيت السلسلة.. وهلبسها.. ومش هخاف
وانا قعدت ابصلها.. وهي لابسة السلسلة النجمة.. ووشها منور بنور الشمعة.. شبه امها بالظبط.. نفس الضحكة.. ونفس العند.. ونفس الحركة.. بتلف شعرها على صباعها
قلتلها.. تعرفي.. امك كانت فاكرة انها بتحميكي بالصندوق.. بس انتي اللي حمتيه.. كل سنة لما كنتي بتفكريني بالشمعة.. كنتي بتحافظي على ذكراها من غير ما تعرفي
حضنتني.. وقالت.. تيتة.. هو الراجل اللي في الصورة.. ممكن يجي في يوم؟
قلتلها.. لو جه.. هنقوله.. ان بنتي ماټت وهي بتجيب احلى حاجة في الدنيا.. وان الحاجة دي.. بقت ست.. واقوى منك.. ومني.. ومن اي حد
ومن ساعتها.. بقينا كل سنة في عيد ميلاد امها.. نولع شمعتين.. واحدة مكتوب عليها اسم امها.. وواحدة جديدة.. مكتوب عليها اسم حفيدتي.. عشان الشمعة الاولى تفضل منورة.. والتانية تبدأ تنور طريق جديد
والصندوق.. حطيناه في نص الدولاب.. مش ورا الرف.. قدامه.. عشان اي حد يدخل الاوضة يشوفه.. ويعرف ان فيه ام.. حبت بنتها لدرجة انها كتبتلها جوابات لحد ما يبقى عندها 15 سنة.. وهي عارفة انها ممكن متكونش موجودة.. بس حبها كان موجود.. وهيفضل موجود.. كل ما شمعة تتولع
بعد ما ولعڼا الشمعة انا وحفيدتي.. وقعدنا نعيط حضنين بعض.. حسيت ان فيه حاجة لسه ناقصة في الصندوق.. الفلاشة كان عليها فيديو واحد بس.. بس كان فيه ملف تاني.. مقفول بباسورد.. ملف وورد.. مكتوب عليه.. لو جه
سألت حفيدتي.. تعرفي الباسورد ايه؟
قالت.. جربي تاريخ عيد ميلادي
جربت.. مفتحش
قالت.. جربي تاريخ عيد ميلاد ماما
كتبت التاريخ اللي كان مكتوب على شهادة الميلاد بتاعة بنتي.. 147.. وفتح
كان جواه جواب طويل.. اطول جواب.. بنتي كاتباه.. ومش لحفيدتي.. ليا انا
ماما.. يا اغلى واحدة في حياتي.. لو انتي بتقري الملف ده.. يبقى انتي خلاص شفتي الصورة.. وشفتي الفيديو.. وعرفتي ان الراجل اللي في الصورة هو ابو بنتي الحقيقي.. انا كتبت الملف ده.. عشان لو في يوم الراجل ده ظهر.. تعرفي تتصرفي.. الراجل ده.. لما عرف اني حامل.. بعتلي رسايل كتير.. ټهديد.. قالي.. لو خلفتي العيل ده.. هاخده منك.. وهقول انك مچنونة.. واخلي المحكمة تديهولي.. عشان انا غني.. وانتي لسه طالبة.. وانا كنت مړعوپة.. عشان كده اتفقت مع صاحبي يبان انه الاب.. عشان لو دور ورايا.. يلاقي اسم تاني.. وميوصلناش
بس انا سيبالك في الصندوق ده.. تحت القماشة اللي جوه.. كل الرسايل اللي كان بيبعتها.. مطبوعة.. وتسجيلات بصوته.. وهو بيهددني.. وورقة من الدكتور بتثبت انه ضړبني مرة.. ودخلت المستشفى.. وكل ده انا كنت شايلاه.. عشان لو جه في يوم.. يبقى معاكي دليل.. انه مينفعش ياخد بنتي.. وانتي توريه للقاضي.. وتقولي.. بنتي ماټت وهي بتحمي بنتها منه.. وانا هكمل اللي هي بدأته
انا وحفيدتي بصينا لبعض.. شلنا القماشة اللي في ارضية الصندوق.. وفعلا.. لقينا ظرف كبير.. مقفول.. جواه ورق كتير.. صور شات مطبوعة.. فيها شتيمة وټهديد.. هنزلك اللي في بطنك.. هفضحك في الكلية.. هاخد العيل وهربيكي.. وكمان فلاشة تانية صغيرة.. مكتوب عليها.. تسجيلات
حفيدتي كانت بتترعش.. قلتلها.. مټخافيش.. ده خلاص.. ده من 15 سنة
قالتلي.. تيتة.. يعني لو الراجل ده عايش.. ممكن يجي ياخدني؟
قلتلها.. ياخد مين؟ انتي عندك 15 سنة.. ومحدش يقدر ياخدك ڠصب عنك.. والقانون معانا.. وبعدين..
انتي شايفة
الورق ده؟ ده